Koronavirýstyń jańa túriniń alǵashqy oshaǵy bolǵan Qytaidyń Ýhan qalasynda taǵy da infektsiia juqtyrǵandar anyqtaldy.
Uzaq úzilisten keiin Ýhanda COVID-19 bes adamnan tabyldy, dep habarlaidy RIA Novosti.
Bes patsientte bastapqyda virýs belgileri bolmaǵan. Artynsha dárigerlerdiń koronavirýs bolýy múmkin degen kúdigi rastaldy, dep habarlady Hýbei provintsiiasynyń densaýlyq saqtaý máseleleri komiteti.
4 sáýirden keiin Ýhanda koronavirýs infektsiiasyn juqtyrǵandar tabylǵan joq. 18 sáýirde qala qaýiptiligi tómen aimaq retinde tanyldy, al 26 sáýirde qalalyq aýrýhanadan koronavirýs infektsiiasy anyqtalǵan sońǵy naýqas shyǵaryldy. Keiinirek Qytaidyń densaýlyq saqtaý máseleleri jónindegi memlekettik komiteti Ýhanda infektsiia juqtyrǵan adamdardyń tirkelgenin, sondai-aq, aýrý simptomdary joq 16 adamnyń infektsiia juqtyrǵanyn habarlady.
Qazir Hýbei provintsiiasynda simptomsyz virýsty tasymaldaýshy 615 adam dárigerler baqylaýyna alyndy.
Qytai biligi simptomy joq virýs tasymaldaýshylaryn infektsiia juqtyrǵandar qataryna qosyp otyrǵan joq. Olardan alynǵan nýklein virýsty qyshqyly bar testiń nátijesi oń bolǵanymen, koronavirýstyń simptomdary joq. Olardy jalpy statistikaǵa aýrý simptomdary paida bolǵan jaǵdaida ǵana qosady.
Hýbei provintsiiasynda infektsiia juqtyrǵan 68 134 adam tirkeldi (50 339 – Ýhanda), 63 616 adam saýyǵyp shyqty (46 464 –Ýhan qalasynda), 4 512 adam (3 869 – Ýhanda) qaitys boldy.
Qytaidyń Ýhan qalasy 2019 jyldyń sońynda koronavirýs COVID-19 jańa túriniń taralý kózine ainaldy. 2020 jyldyń naýryzyna qarai koronavirýs álemniń barlyq eline tarady.
Búgingi kúni álemde 4 millionnan astam adam infektsiia juqtyrdy, onyń 1,4 millionnan astamy saýyǵyp shyqty, 280 myń adam qaitys boldy.
Búgin Qytaidyń Shýlan qalasy qatań karantinge jabyldy. Onda bir-birimen qarym-qatynasta bolǵan 11 infektsiia juqtyrǵan adam anyqtaldy.
