2020 jyldyń 2 aqpanynda Qazaqstan Respýblikasy azamattarynyń densaýlyq qaýipsizdigin qamtamasyz etý maqsatynda QR DSM Ulttyq shuǵyl meditsina úilestirý ortalyǵy elimizge QHR Ýhan qalasynda júrgen 83 qazaqstandyqty, onyń ishinde 80 stýdentti jetkizdi.
Ushý barysynda bizdiń azamattarymyzdy barlyq qorǵaý quraldarymen qamtamasyz etilgen Qazaqstandyq dárigerler erip júrdi.
Densaýlyq jaǵdaiy tekserilgennen keiin, elge oralǵan azamattar qaladan 7 shaqyrym jerde ornalasqan elordanyń kóp salaly aýrýhanasynyń janyndaǵy infektsiiaǵa qarsy arnaiy bólingen korpýsta 14 kúndik karantinge jatqyzyldy.
Klinika infektsiialyq qaýipsizdiktiń qajetti tehnologiialarymen, zamanaýi diagnostikalyq, emdik jáne reanimatsiialyq quraldarmen jabdyqtalǵan jáne tiisti meditsinalyq qyzmetkerlerimen qamtamasyz etilgen.
Meditsinalyq mekemede evakýatsiialanǵan azamattar qosymsha tekserýden jáne birinshi kezekte koronavirýstyq infektsiiaǵa testileýden ótedi.
Karantin kezeńi kezinde elge kelgen adamdarmen tek asa qaýipti infektsiialarmen jumys isteý tájiribesi bar meditsinalyq personal ǵana bailanysta bolady.
Elge jetkizilgen azamattardyń týǵan-týystary men jaqyndary habardar etildi jáne olar karantindik kezeńniń reglamentimen tanystyryldy.
Epidemiiaǵa qarsy is-sharalardyń kúsheiýi bastalǵannan beri monitoringpen 19 myńǵa jýyq adam qamtyldy, onyń 9,6 myńy qaýip tóndirmeitin retinde monitoringten alyndy.
Klinikalardan 39 adam shyǵarylǵannan keiin Jiti Respiratorlyq Virýstyq Infektsiia belgilermen 41 emdeýden ótýde.
84 naýqas koronavirýsty anyqtaý úshin analiz tapsyrdy, onyń 74-i teris nátije, al 11-i jumysta.
Barlyq qajetti aqparatty alý úshin Call – tsentrden 1406 nomeri boiynsha surap bilýge bolady.
