Kongo Demokratiialyq Respýblikasynyń astanasy Kinshasada ótken úilený toiy qaiǵyly oqiǵamen aiaqtaldy. Toi ótip jatqan ǵimaratta órt shyǵyp, keminde 22 adam qaza tapqan, dep habarlaidy Ult.kz Arasha.kz saityna silteme jasap.
Actualite portalynyń málimetinshe, oqiǵa Lingvala kommýnasyndaǵy toi zaldarynyń birinde bolǵan. Qaiǵyly jaǵdai týraly kommýna býrgomistri Norber Mýshiga Nzindýla málimdedi.
"2026 jylǵy 5 qyrkúiektegi aldyn ala málimet boiynsha, 22 adam qaza tapty. Kóptegen zardap shekken adam aýrýhanaǵa jetkizildi", – delingen habarlamada.
Ázirge órttiń naqty neden shyqqany belgisiz.
Aldyn ala málimet boiynsha, adam shyǵynynyń kóp bolýyna ǵimaratta tek bir shyǵatyn esiktiń bolýy áser etken bolýy múmkin.
Býrgomistrdiń aitýynsha, jalǵyz esik tar bolǵan. Órt kezinde adamdar arasynda dúrbeleń týyp, qoiý tútin jaǵdaidy odan ári qiyndatqan.
Qazir oqiǵanyń naqty sebepteri anyqtalyp jatyr.
