كونگو دەموكراتييالىق رەسپۋبليكاسىنىڭ استاناسى كينشاسادا ٶتكەن ٷيلەنۋ تويى قايعىلى وقيعامەن اياقتالدى. توي ٶتٸپ جاتقان عيماراتتا ٶرت شىعىپ, كەمٸندە 22 ادام قازا تاپقان, دەپ حابارلايدى Ult.kz Arasha.kz سايتىنا سٸلتەمە جاساپ.
Actualite پورتالىنىڭ مەلٸمەتٸنشە, وقيعا لينگۆالا كوممۋناسىنداعى توي زالدارىنىڭ بٸرٸندە بولعان. قايعىلى جاعداي تۋرالى كوممۋنا بۋرگوميسترٸ نوربەر مۋشيگا نزيندۋلا مەلٸمدەدٸ.
"2026 جىلعى 5 قىركٷيەكتەگٸ الدىن الا مەلٸمەت بويىنشا, 22 ادام قازا تاپتى. كٶپتەگەن زارداپ شەككەن ادام اۋرۋحاناعا جەتكٸزٸلدٸ", – دەلٸنگەن حابارلامادا.
ەزٸرگە ٶرتتٸڭ ناقتى نەدەن شىققانى بەلگٸسٸز.
الدىن الا مەلٸمەت بويىنشا, ادام شىعىنىنىڭ كٶپ بولۋىنا عيماراتتا تەك بٸر شىعاتىن ەسٸكتٸڭ بولۋى ەسەر ەتكەن بولۋى مٷمكٸن.
بۋرگوميستردٸڭ ايتۋىنشا, جالعىز ەسٸك تار بولعان. ٶرت كەزٸندە ادامدار اراسىندا دٷربەلەڭ تۋىپ, قويۋ تٷتٸن جاعدايدى ودان ەرٸ قيىنداتقان.
قازٸر وقيعانىڭ ناقتى سەبەپتەرٸ انىقتالىپ جاتىر.
