Aqtóbe oblysynda tanysyna memlekettik baǵdarlama arqyly baspana alyp beremin dep, 10 mln teńgesin iemdengen kúdikti ustaldy, dep habarlaidy ult.kz.
Polisia.kz málimetinshe, oqiǵa shamamen eki jyl buryn bolǵan. Jergilikti turǵyn tanysynyń senimine kirip, memlekettik baǵdarlama arqyly baspanany tiimdi sharttarmen alyp berýge ýáde etken.
Jábirlenýshi turǵyn úidi rásimdeý jáne qajetti máselelerdi sheshý úshin oǵan 10 mln teńge bergen. Alaida ýáde oryndalmai, aqsha da qaitarylmaǵan.
Osydan keiin jábirlenýshi politsiiaǵa aryzdanǵan. Jedel-izdestirý sharalary barysynda kúdiktiniń jeke basy anyqtalyp, ol politsiia bólimine jetkizildi.
Qazir istiń barlyq mán-jaiy anyqtalyp jatyr. Sondai-aq kúdiktiniń osyǵan uqsas basqa da qylmystarǵa qatysy bar-joǵy tekserilýde.
Politsiia azamattardy memlekettik turǵyn úi baǵdarlamalaryna qatysty «úi alyp beremin», «kezekti jyldamdatamyn» nemese «máseleni tanystar arqyly sheship beremin» degen ýádelerge saqtyqpen qaraýǵa shaqyrdy.
