Parlament Senatynyń jalpy otyrysynda «Qazaqstan Respýblikasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly» Zańy eki oqylymda qaralyp, qabyldandy, dep habarlaidy "Ult aqparat".
Senator Qanatbek Safinovtiń aitýynsha, qujat ákimshilik quqyq buzýshylyq týraly zańnamany jetildirýge baǵyttalǵan. Onda eńbek etýshilerdiń quqyqtaryn qorǵaý, alaýlarda jáne statsionarlyq kózderde gaz jaǵýdan lastaǵysh zattardyń shyǵaryndylary úshin aiyppuldy esepteý kezindegi kemsitýshilik tásildi joiý, prokýrordyń qaýlysyn oryndamaǵany úshin jaýapkershilik belgileý eskerilgen.
Óz kezeginde Senat depýtaty Andrei Lýkin tórt ákimshilik quqyq buzýshylyq boiynsha jaza qoldaný turǵysynda ýchaskelik inspektorǵa qosymsha quqyq berý eskerilgenin aitty.
Óz kezeginde Senat depýtaty Andrei Lýkin tórt ákimshilik quqyq buzýshylyq boiynsha jaza qoldaný turǵysynda ýchaskelik inspektorǵa qosymsha quqyq berý eskerilgenin aitty.
Bul jazalar mynalarǵa qatysty:
- kámeletke tolmaǵandardyń túngi ýaqytta oiyn-saýyq oryndarynda bolýyna jol berý;
- temeki ónimderin shegýge qatysty tyiym salý talaptaryn buzý;
- ákimshilik baqylaý erejesin buzý;
- kólik quralynyń qozǵalysyna tosqaýyl jasaý.
«Qabyldanǵan zań ákimshilik quqyq buzýshylyq týraly zańnamany odan ári jetildirýge arnalyp otyr. Qujatta azamattardyń eńbek quqyqtaryn zańnamalyq turǵydan qorǵaý kózdelgen. Sonymen qatar, osy zań azamattar men biznestiń múddelerin qorǵaý úshin prokýratýra jáne ishki ester organdary qyzmetiniń tiimdiligin arttyrýǵa múmkindik beredi. osy zańǵa bastamashy bolǵan parlament depýtattaryna alǵys bildiremiz», - dedi Senat tóraǵasy.
