QR IIM Ákimshilik politsiia komitetiń profilaktikalyq qyzmet basqarmasynyń bastyǵy Jasulan Baikenov ýchastkelik inspektorlarlarǵa qandai jańa mindetter júktelgenin atady, dep habarlaidy QazAqparat.
«Memleket basshysy Joldaýynda atap ótkendei, ulttyq politsiianyń servistik modeli - ýchaskelik qyzmetkerlerdiń negizgi elementi bolýǵa tiis. Olar jergilikti turǵyndardyń problemalaryn sheshýge, qylmystardyń jolyn kesýge mindetti. Qazirgi tańda ýchaskelik politsiia inspektorlarynyń institýty ishki ister organdarynyń júiesinde erekshe kóp fýnktsionaldy sanalady. Azamattardyń quqyǵyn qorǵaý, otbasy-turmystyq qatynastar, qoǵamdyq tártipti jáne jol qaýipsizdigin qamtamasyz etý, qorshaǵan ortany qorǵaý, aýmaqtardy abattandyrý jáne taǵy basqa máselelerdi sheshýge qatysady. Óziniń atynan ákimshilik quqyq buzýshylyqtar», - dedi ol IIM baspasóz alańynda ótken brifingte.
Onyń atap ótýinshe, inspektorlar 47 quramy boiynsha jazalaý túrlerin qaraidy jáne jaza qoldanady. Olar belgilenbegen oryndarda saýda jasaý (204-bap), aýyl sharýashylyǵy janýarlaryn jaiý erejelerin, itter men mysyqtardy asyraý jáne serýendetý erejelerin buzý (408-bap), temeki ónimderin tutynýǵa tyiym salýdy buzý (441-bap), qalalar men eldi mekenderdiń aýmaqtaryn abattandyrý erejelerin buzý (505-bap), sondai-aq ÁQBtK 685-babynyń 1-bóliginde kózdelgen basqa da birqatar quqyq buzýshylyqtardy qaraidy. Sonymen qatar, zańnamada belgilengen merzimde esep beretin adamdardy turǵylyqty jeri boiynsha tekserý arqyly jazanyń jekelegen túrleriniń oryndalýyn baqylaýdy qamtamasyz etedi.
«Ýchaskelik inspektor otbasylyq janjalqorlardyń, maskúnemderdiń esirtki qumarlardyń, buryn sotty bolǵandardyń ómir súrý salty men is-áreketterin únemi baqylaidy. Densaýlyq saqtaý organdarynda olardyń keibirin májbúrlep emdeýge kómek kórsetedi. Jalpy alǵanda, ýchaskelik qyzmetkerler – quqyq buzýshylyqtyń ortaq profilaktikasy júiesinde negizgi býyny», - dedi Jasulan Baikenov.
