Ulttyq testileý ortalyǵy UBT ótkizý kezinde arnaiy monitoring toptaryn jumyldyrý týraly bastama jasady, – dep habarlaidy Sybailas jemqorlyqqa qarsy qyzmettiń baspasóz qyzmeti.
Ulttyq biryńǵai testileýdiń ashyqtyǵy men obektivtiligine qoǵamdyq baqylaý júrgizý maqsatynda Qazaqstan Respýblikasynyń 2015-2025 jyldarǵa arnalǵan Sybailas jemqorlyqqa qarsy strategiiasynyń iske asyrylýyn syrtqy taldaý jáne baǵalaýdyń arnaiy monitoringtik tobynyń ókilderi jumyldyrylady.
«13 qańtarda Sybailas jemqorlyqqa qarsy is-qimyl agenttiginde Ulttyq testileý ortalyǵy, Sybailas jemqorlyqqa qarsy qyzmet jáne óńirlerdegi arnaiy monitoringtik top ókilderiniń qatysýymen jumystyq májilis ótkizildi. Ulttyq biryńǵai testileýdi ótkizý qaǵidalaryna sáikes, 2020 jyly 16-20 qańtar aralyǵynda 99 pýnktiniń bazasynda UBT ótedi» delingen habarlamada.
Joǵary oqý ornyna aqyly negizde túsý úshin UBT jylyna 4 ret ótkiziledi (qańtar, naýryz, maýsym jáne tamyz). Bul rette oqýǵa túsýshiler bilim grantyn taǵaiyndaý konkýrsyna qatysý úshin maýsym aiynda ótkiziletin UBT-ny tapsyrýy qajet. Jalpy, UBT-ny tapsyrý formaty ózgerissiz. Bul norma joǵary bilim alýǵa qoljetimdilikti arttyrý maqsatynda engizildi.
UBT-ǵa qatysý úshin qujattardy qabyldaý 2019 jyly 1-15 jeltoqsan aralyǵynda biryńǵai aqparattyq júie arqyly júzege asyryldy. Nátijesinde, UBT - ǵa qatysýǵa 95 myńnan asa adam ótinish berdi.
Osy UBT-ǵa orta mektepterdiń 11 (12) synyp oqýshylary, birinshi akademiialyq oqý kezeńin aiaqtaǵanǵa deiin (shartty túrde qabyldaý) JOO-ǵa qabyldanǵan tulǵalar, sondai-aq shyǵarmashylyq daiyndyqty talap etetin bilim berý baǵdarlamalary tobynda oqityn jáne basqasyna aýysýǵa niet bildirgen stýdentter qatysady.
Óńirlerge Qazaqstan Respýblikasy Bilim jáne ǵylym ministrliginiń ókilderi jiberiletin, apelliatsiialyq komissiialar qurylatyn, meditsinalyq kómek kórsetý pýnktteri uiymdastyrylatyn jáne testileý barysynda qaýipsizdik qamtamasyz etiletin bolady. Budan basqa qajet bolǵan jaǵdaida, jeke kómekshiler, sondai-aq erekshe bilim berý qajettiligi bar balalarǵa arnalǵan sýrdoaýdarmashylar usynylatyn bolady.
UBT ótkizý úshin jergilikti jerlerde 594 adamnan turatyn UBT uiymdastyrý jáne ótkizý boiynsha memlekettik komissiialar quryldy. Memlekettik komissiianyń quramyna oblystar nemese respýblikalyq mańyzy bar qalalar ákimdikteriniń ókilderi, quqyq qorǵaý organdarynyń, qoǵamdyq uiymdardyń, buqaralyq aqparat quraldarynyń ókilderi kirdi.
UBT-da 820 aýditoriia paidalanylady. Barlyq aýditoriialar uialy bailanys quraldarynyń jumysyn basatyn quraldar jáne beinebaqylaý kameralarymen qamtamasyz etilgen.
