QR Bilim jáne ǵylym vitse-ministri Qýanysh Erǵaliev biyl Ulttyq biryńǵai testileýdi ádil ótkizý úshin qandai sharalar qabyldanǵanyn atady, dep habarlaidy QazAqparat.
«Ulttyq biryńǵai testileý ótkizý pýnktterinde tiisti erejelerdiń saqtalýyn baqylaýdy testileý ákimshileri júzege asyrdy. Olardyń jalpy sany 150 adam boldy. Uiymdastyrý máselelerin sheshý jáne UBT-ny ótkizýdiń monitoringisin júrgizý úshin jergilikti bilim berý uiymdarynyń basshylary, quqyq qorǵaý organdarynyń, qoǵamdyq uiymdar men BAQ ókilderinen 648 adamnan turatyn óńirlik memlekettik komissiialar quryldy. Bilim salasyndaǵy sapany qamtamasyz etý departamentiniń 20 qyzmetkeri jáne arnaýly monitoring top pen Adaldyq alańy qatarynan 14 baqylaýshy qatysty», - dedi ol ministrliktiń apparat jinalysynda.
Onyń atap ótýinshe, testileý ótý barysyna Ulttyq testileý ortalyǵynda ornalasqan Ahýaldyq ortalyq arqyly ortalyqtandyrylǵan baqylaý júrgizildi.
«Sonymen qatar árbir testileý ótkizý pýnktinde onlain kórsetilim uiymdastyryldy. Atalǵan qyzmet kórsetýler testileý kezinde ereje buzýshylyqtardyń sanyn aitarlyqtai azaitýǵa múmkindik berdi. Óitkeni, árbir orynnyń ústinde ornatylǵan kamera arqyly baqylandy jáne testileýdiń ótý barysyn baqylaýǵa niet bildirgen azamat Qazaqstannyń kez kelgen jerinen testileýdi baqylady», - dedi Qýanysh Erǵaliev.
