Ulttyq biryńǵai testileýde Qyzylorda oblysy túlekteriniń arasynda eń joǵary ball jinaǵan Dilnaz Almatqyzy ustazdyq joldy tańdap otyr. Bul týraly BǴM habarlady.
Ol Qyzylorda qalasyndaǵy T. Júrgenov atyndaǵy №136 mektep-litseiiniń oqýshysy. Pedagog bolýǵa talpynysy erekshe túlek testileýge eki márte qatysyp, alǵashqysynda – 134, ekinshi ret 137 ball enshiledi.
«Ustaz bolýdy janyma jaqyn tutamyn. Bilgen bilimińdi balalarǵa úiretý degen keremet qoi, mańyzdy missiia ári erekshe jumys dep oilaimyn. Bolashaqta fizika pániniń muǵalimi bolamyn. Oilaǵan armandarym, alǵa qoiǵan maqsattarym jeterlik. Bolashaqqa nyq qadam basyp, armanym oryndalady degen senimdemin»– deidi Dilnaz.
Dilnaz biyl Ulttyq biryńǵai testileý ár túlekke erekshe múmkindik syilap, sonymen birge synaq ádil ári erekshe ótip jatqanyn erekshe atap ótti.
