UBT-da Dimash Qudaibergen men Gennadii Golovkin jaily suraqtar paida bolýy múmkin, - dep habarlaidy kaz.tengrinews.kz.
"Qazir biz suraqtar daiyndap jatyrmyz. Ol jaqta Dimash Qudaibergen men Golovkin de bolady. Bul "syni oqý" dep atalady. Iaǵni mátin oqisyz, mátin delfinder, ulttyq batyrlar jaily nemese tipti jurttyń nazaryndaǵy adamdar bolýy múmkin. Osydan keiin bala mátinge qatysty suraqtarǵa jaýap berýi tiis. Stýdentter jaýap beretin mátinderde tanymal adamdardyń bolýynan esh sókettilik kórip turǵanymyz joq. Sebebi bul synaq emtihandary. Mysaly, Golovkin men Vinokýrovty qosýǵa bolady. Munda esh jamandyq joq", - dedi Parlament otyrysynyń úzilisinde Erlan Saǵadiev.
Eske sala keteiik, osyǵan deiin Ulttyq ortalyq Baian Esentaeva jaily suraqtyń nelikten testileýge engizilgenin túsindirgen bolatyn. 1 qańtardan bastap jańa formatqa ózgertilgen suraq-jaýapta Baian Esentaevamen qatar, talai ártis-shoýmenderdiń aty atalǵan eken. Al qazaq tili men ádebietiniń ornyn basqan "Oqý saýatylyǵy" pánin osyndai suraqtarmen toltyrǵan Ulttyq testileý ortalyǵyndaǵylar bolsa jastardy shoýǵa tarttyq dep otyr.
