Pavlodar oblysy boiynsha eń joǵary ball - 136 upaiǵa qol jetkizgen № 35 JOM túlegi Aidos Qobylandy testileýge qalai daiyndalǵanyn aityp berdi, dep habarlaidy "Ult aqparat" pavlodarnews.kz portalyna silteme jasap.
- Ár pán boiynsha repetitor jaldap, kúnine eki-úsh saǵattan daiyndalýǵa týra keldi, - deidi Aidos. – Olar maǵan kóp kómektesti. Meniń oiymsha, jaqsy nátijege qol jetkizý úshin repetitormen jeke jumys istegen durys. Árine, ata-anam men ustazdaryma da qoldaý kórsetkeni úshin alǵys aitqym keledi.
Mektep túlegi kúndelikti ádeti boiynsha testileýge daiyndyq kezinde de tańerteń erte turyp júgirip, sportpen ainalysqan. Sondai-aq kez kelgen tamaqty jeýden bas tartýǵa týra kelgen.
Al endi úlken synaqty oidaǵydai tapsyrǵan ol bos ýaqytynda kitap oqyp, film kórgendi unatatynyn aitady.
Bolashaq stýdenttiń endigi jospary - joǵary áskeri oqý ornyna túsý úshin normativter men qujat daiyndaý.
- Men shekara qyzmetin tańdadym, - deidi ol. – Bul - óte tamasha mamandyq. Jalpy test tapsyrý kezinde telefon nemese shpargalka alyp kirý qiyn, al ótip ketken kúnniń ózinde ony qoldaný múmkin bolmaidy. Sondyqtan men óz bilimime senýge tyrystym.
Eske sala keteiik, 23-30 maýsym aralyǵynda Pavlodar qalasyndaǵy 37 mekteptiń 1150 túleginen UBT-ǵa 933 (81%), 2019 jyly – 750 (74%) bala qatysqan. Onyń ishinde qazaq tilinde – 378, 2019 jyly – 350.
Qala mektepteriniń 60 túlegi 100 jáne odan da kóp ball aldy.
