Búgin QR Premer-Ministriniń orynbasary E. Toǵjanovtyń tóraǵalyǵymen ótken selektorlyq otyrysta ulttyq biryńǵai testileýdi ótkizýge daiyndyq barysy qaraldy, dep habarlaidy "Ult aqparat" primeminister.kz-ke silteme jasap.
QR Bilim jáne ǵylym ministrliginiń aqparatyna sáikes, biyl UBT-ny 131 myńnan astam túlek tapsyrady. 150 ótkizý orny belgilengen. Barlyq UBT ótkizý oryndary teplovizor, dezinfektsiialyq tonnel jáne aiaq kiimdi zararsyzdandyrýǵa arnalǵan kilemsheler, meditsinalyq pýnkter, sanitaizerler, maskalarmen qamtamasyz etiledi.
E. Toǵjanov qazirgi epidemiologiialyq jaǵdaidy eskere otyryp, UBT-ny ótkizýdiń sanitarlyq-epidemiologiialyq talaptary boiynsha nusqaýlyqty ázirleý qajet ekenine, áleýmettik araqashyqtyqty saqtaý, sanitarlyq talaptardy mindetti túrde oryndaý, oqýshylardy testileý oryndaryna jetkizýdiń qaýipsizdik sharalaryn uiymdastyrýǵa nazar aýdardy.
Otyrys qorytyndysy boiynsha Premer-Ministrdiń orynbasary E. Toǵjanov birneshe naqty tapsyrma berdi.
