Qańtardaǵy UBT-nyń alǵashqy kúni testileýge 16 307 adam qatysty, dep habarlaidy, "Ult aqparat" QR BǴM baspasóz qyzmetine silteme jasap.
Testileýge qatysqandardyń ishinde 12 myńnan astamy qazaq tilinde, 4 216 orys tilinde tapsyrdy. 86 talapker aýditoriiaǵa tyiym salynǵan zattardy alyp kirýge tyrysqany úshin UBT tapsyrý múmkindiginen airyldy. Sondai-aq tyiym salynǵan zattardy qoldanǵany jáne testileý erejelerin buzǵany úshin aýditoriiadan 27 adam shyǵarylyp, test nátijeleri joiyldy.
UBT-nyń birinshi kúniniń qorytyndysy boiynsha 205 qatysýshy 110-nan astam ball jinady. Karantinge bailanysty testileý 15 lek boiynsha ótetinin aita ketken jón. Qańtar aiyndaǵy UBT barysynda aýditoriialardyń syiymdylyǵy 20-25%-ke paidalanyldy. Birinshi kúni 143 pýnktiń 114-inde testileý ótti. Barlyq aýditoriia beinebaqylaý kameralarymen jabdyqtalǵan, ata-analar úshin beinetransliatsiia qoljetimdi.
UBT-nyń barlyq qatysýshysy dezinfektsiialyq týnnel jáne arnaiy kilemsheler arqyly ótti, dene qyzýyn ólshetti, qoldaryn sanitaizermen zalalsyzdandyrdy jáne usynylǵan meditsinalyq maskalardy paidalandy, iaǵni qatysýshylar sanitarlyq-epidemiologiialyq normalarǵa sáikes dezinfektsiiadan ótti.
Test tapsyrýshylardy aýditoriialarǵa kirgizý jáne otyrǵyzý kezinde keminde 2 metr araqashyqtyq saqtalyp jatyr. Ár aýditoriia jeldetilip, bakteritsidtik jabdyqtarmen óńdelgen. Sanitarlyq talaptardyń barlyǵy qatań baqylaýǵa alynǵan.
Qańtar aiyndaǵy UBT sertifikattary joǵary oqý ornyna aqyly negizde túsý úshin jaramdy. Talapkerler bir jylda testileýdi 4 ret tapsyra alady. Ulttyq biryńǵai testileý elimiz boiynsha keshe, 20 qańtar kúni bastaldy jáne 5 aqpanǵa deiin jalǵasady.
