Ulttyq testileý ortalyǵynyń basshysy Ramazan Álimqulov UBT-nyń alǵashqy kúniniń qorytyndysyn jariialady, dep xabarlaidy QazAqparat tilshisi.
Onyń aitýynsha, keshe Respýblika boiynsha 13 897 mektep túlegi test tapsyrdy. Olardyń 15,5 protsenti, iaǵni 2 102 adam shekti upaidy jinai almady.
"Endi, tamyz aiynda olar testti ekinshi ret tapsyra alady. Odan da óte almasa, joǵary oqý ornynyń aqyly bólimine qabyldana beredi. Biraq birinshi semestrden keiin, iaǵni kelesi jyldyń qańtar aiynda test tapsyryp, óz bilimin kórsetýi kerek", - dedi R.Álimqulov Astanada ótken baspasóz másixatynda.
Ortalyq basshysynyń sózine qaraǵanda, 11 795 mektep túlegi testti oidaǵydai tapsyryp shyqty. Olardyń jinaǵan ortasha upaiy 80,9-dy qurady. Ótken jyly atalǵan kórsetkish 77,5 upai bolǵan. "Demek, biyl ortasha upai 4 protsentke kóterilip otyr deýge bolady. Alǵashqy kúni tolyq 140 upaidy jinaǵan adam bolǵan joq. Alaida bir túlek 137 upaidy jinady. Alda áli jeti kún bar. Sondyqtan eń joǵary upai jinaityn mektep túlekteri bolady degen senim bar", - dep atap kórsetti R.Álimqulov.
Aita keteiik, keshe respýblika boiynsha test tapsyrýǵa barlyǵy 14 250 adam ótinish bildirgen bolatyn. Alaida testke 13 897 adam keldi. Osylaisha, alǵashqy kúni mektep túlekteriniń 97 protsenti ulttyq biryńǵai testileýge qatysty.
