Foto: primeminister.kz
Premer-Ministr Álihan Smaiylovtyń tóraǵalyǵymen ótken Úkimet otyrysynda kún tártibinen tys Almatydaǵy jer silkinisi boiynsha ahýal qaraldy, - dep habarlaidy "Ult aqparat" primeminister.kz saityna silteme jasap.
Tótenshe jaǵdailar ministri Syrym Sháriphanov 23 qańtar saǵat 00:09-da Almatydan 264 shaqyrym jerde Qyrǵyzstan men Qytai shekarasynda jer silkinisi bolǵanyn málimdedi. Nátijesinde Almatyda 5 ball, Shymkentte 2 ball, Jambyl oblysynda 2-3 ball jáne Jetisý oblysynda 4 ball bolyp sezilgen birqatar seismikalyq fakti tirkeldi. Aldyn ala málimetter boiynsha ǵimarattar men qurylystar qiraǵan joq.
TJM-de dereý respýblikalyq jedel shtab qurylyp, osyndai shtabtar aýmaqtyq deńgeide jumys istedi. TJM psihologtaryn tarta otyryp, «jedel jeli» telefondary uiymdastyryldy.
Óńirlerdi azamattyq qorǵaýdyń memlekettik júiesiniń kúshteri men quraldary joǵary daiyndyqta jumys istedi, komandalyq-shtabtyq mashinalar ornalastyryldy, qutqarý bólimsheleriniń toptary jáne halyqty habardar etý júiesi – tolyq daiyndyqta.
Seismikalyq boljaý komissiiasy Almaty aýmaǵynda kúshti jáne joiqyn jer silkinisteri kútilmeitinin aitty. Osyǵan bailanysty TJM óńirlerdiń turǵyndarynan qorqynyshqa boi aldyrmai, tek resmi aqparat kózderine senýdi suraidy.
Premer-Ministr TJM-nen ákimdikke jáne basqa da memlekettik organdarǵa deiingi barlyq qyzmet bolǵan jaǵdaiǵa den qoiǵanyn atap ótti.
«Qaza tapqandar joq, aýqymdy ziian kelmedi. Alaida zardap shekkender bar. Ýaqytyly aqparat almaǵan adamdar naqty áreketsiz dúrbeleńge jol berdi. Olar 2, 3 qabattardan sekirgen kezde zardap shekti. Bul eskertý júielerin ýaqytyly qosyp, halyqqa múmkindiginshe erterek aqparat berip, habarlamalar jiberý qajet ekenin kórsetti», — dedi Álihan Smaiylov.
Premer-Ministr barlyq seismikalyq qaýipti óńirde jattyǵýlar jii ótkizilýi kerek ekenin atap ótti.
«Halyq is-qimyl algoritmin bilýi kerek», — dedi Úkimet basshysy.
Úkimet basshysy óńirlerdiń ákimdikterine múddeli memlekettik organdarmen birlesip, osyndai TJ-ny joiý jónindegi is-qimyl josparlaryn túzetýdi tapsyrdy.
«Jaqyn arada jedel den qoiý úshin basqarý organdary men azamattyq qorǵaý kúshteri basshylary men jaýapty tulǵalarynyń basqarý beketterindegi kezekshiligi engizilsin. Bul tirshilikti qamtamasyz etetin barlyq uiymǵa qatysty», — dedi Álihan Smaiylov.
Ol sondai-aq zardap shekkenderdi emdeý úshin barlyq sharany qabyldaý qajettigin atap ótti.
«TJM qyzmetteri jaǵdaidy turaqty baqylaýda ustaýy tiis. Barlyq tiisti qyzmet arasynda, sonyń ishinde jer silkinisteri oshaqtary ornalasqan kórshi memlekettermen naqty ózara is-qimyl jasaý kerek», — dep túiindedi Premer-Ministr.
