فوتو: primeminister.kz
پرەمەر-مينيستر ەليحان سمايىلوۆتىڭ تٶراعالىعىمەن ٶتكەن ٷكٸمەت وتىرىسىندا كٷن تەرتٸبٸنەن تىس الماتىداعى جەر سٸلكٸنٸسٸ بويىنشا احۋال قارالدى, - دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
تٶتەنشە جاعدايلار مينيسترٸ سىرىم شەرٸپحانوۆ 23 قاڭتار ساعات 00:09-دا الماتىدان 264 شاقىرىم جەردە قىرعىزستان مەن قىتاي شەكاراسىندا جەر سٸلكٸنٸسٸ بولعانىن مەلٸمدەدٸ. نەتيجەسٸندە الماتىدا 5 بالل, شىمكەنتتە 2 بالل, جامبىل وبلىسىندا 2-3 بالل جەنە جەتٸسۋ وبلىسىندا 4 بالل بولىپ سەزٸلگەن بٸرقاتار سەيسميكالىق فاكتٸ تٸركەلدٸ. الدىن الا مەلٸمەتتەر بويىنشا عيماراتتار مەن قۇرىلىستار قيراعان جوق.
تجم-دە دەرەۋ رەسپۋبليكالىق جەدەل شتاب قۇرىلىپ, وسىنداي شتابتار اۋماقتىق دەڭگەيدە جۇمىس ٸستەدٸ. تجم پسيحولوگتارىن تارتا وتىرىپ, «جەدەل جەلٸ» تەلەفوندارى ۇيىمداستىرىلدى.
ٶڭٸرلەردٸ ازاماتتىق قورعاۋدىڭ مەملەكەتتٸك جٷيەسٸنٸڭ كٷشتەرٸ مەن قۇرالدارى جوعارى دايىندىقتا جۇمىس ٸستەدٸ, كوماندالىق-شتابتىق ماشينالار ورنالاستىرىلدى, قۇتقارۋ بٶلٸمشەلەرٸنٸڭ توپتارى جەنە حالىقتى حاباردار ەتۋ جٷيەسٸ – تولىق دايىندىقتا.
سەيسميكالىق بولجاۋ كوميسسيياسى الماتى اۋماعىندا كٷشتٸ جەنە جويقىن جەر سٸلكٸنٸستەرٸ كٷتٸلمەيتٸنٸن ايتتى. وسىعان بايلانىستى تجم ٶڭٸرلەردٸڭ تۇرعىندارىنان قورقىنىشقا بوي الدىرماي, تەك رەسمي اقپارات كٶزدەرٸنە سەنۋدٸ سۇرايدى.
پرەمەر-مينيستر تجم-نەن ەكٸمدٸككە جەنە باسقا دا مەملەكەتتٸك ورگاندارعا دەيٸنگٸ بارلىق قىزمەت بولعان جاعدايعا دەن قويعانىن اتاپ ٶتتٸ.
«قازا تاپقاندار جوق, اۋقىمدى زييان كەلمەدٸ. الايدا زارداپ شەككەندەر بار. ۋاقىتىلى اقپارات الماعان ادامدار ناقتى ەرەكەتسٸز دٷربەلەڭگە جول بەردٸ. ولار 2, 3 قاباتتاردان سەكٸرگەن كەزدە زارداپ شەكتٸ. بۇل ەسكەرتۋ جٷيەلەرٸن ۋاقىتىلى قوسىپ, حالىققا مٷمكٸندٸگٸنشە ەرتەرەك اقپارات بەرٸپ, حابارلامالار جٸبەرۋ قاجەت ەكەنٸن كٶرسەتتٸ», — دەدٸ ەليحان سمايىلوۆ.
پرەمەر-مينيستر بارلىق سەيسميكالىق قاۋٸپتٸ ٶڭٸردە جاتتىعۋلار جيٸ ٶتكٸزٸلۋٸ كەرەك ەكەنٸن اتاپ ٶتتٸ.
«حالىق ٸس-قيمىل الگوريتمٸن بٸلۋٸ كەرەك», — دەدٸ ٷكٸمەت باسشىسى.
ٷكٸمەت باسشىسى ٶڭٸرلەردٸڭ ەكٸمدٸكتەرٸنە مٷددەلٸ مەملەكەتتٸك ورگاندارمەن بٸرلەسٸپ, وسىنداي تج-نى جويۋ جٶنٸندەگٸ ٸس-قيمىل جوسپارلارىن تٷزەتۋدٸ تاپسىردى.
«جاقىن ارادا جەدەل دەن قويۋ ٷشٸن باسقارۋ ورگاندارى مەن ازاماتتىق قورعاۋ كٷشتەرٸ باسشىلارى مەن جاۋاپتى تۇلعالارىنىڭ باسقارۋ بەكەتتەرٸندەگٸ كەزەكشٸلٸگٸ ەنگٸزٸلسٸن. بۇل تٸرشٸلٸكتٸ قامتاماسىز ەتەتٸن بارلىق ۇيىمعا قاتىستى», — دەدٸ ەليحان سمايىلوۆ.
ول سونداي-اق زارداپ شەككەندەردٸ ەمدەۋ ٷشٸن بارلىق شارانى قابىلداۋ قاجەتتٸگٸن اتاپ ٶتتٸ.
«تجم قىزمەتتەرٸ جاعدايدى تۇراقتى باقىلاۋدا ۇستاۋى تيٸس. بارلىق تيٸستٸ قىزمەت اراسىندا, سونىڭ ٸشٸندە جەر سٸلكٸنٸستەرٸ وشاقتارى ورنالاسقان كٶرشٸ مەملەكەتتەرمەن ناقتى ٶزارا ٸس-قيمىل جاساۋ كەرەك», — دەپ تٷيٸندەدٸ پرەمەر-مينيستر.
