Foto: TJM
QR Tótenshe jaǵdailar ministrligi Otar eldi mekeni aýmaǵynda bailanys úzilgen Áýe qorǵanys kúshteriniń tikushaǵyna qatysty oqiǵanyń mán-jaiyn anyqtaý boiynsha izdestirý-qutqarý jumystaryn táýlik boiy jalǵastyrýda.
Tótenshe jaǵdailar ministrliginiń Komandalyq ortalyǵynda júrgizilgen ǵaryshtyq monitoring barysynda Almaty oblysyndaǵy Sorbulaq kóliniń akvatoriiasynda maily daqtyń bolýy múmkin ekendigi anyqtaldy.
- TJM qutqarýshylar toby shuǵyl túrde atalǵan aimaqqa shyqty. Izdeý jumystary túngi ýaqytta da jalǵasty. Jumys barysynda Qorǵanys ministrligine tiesili bolýy múmkin áýe kemesiniń fragmentteri tabyldy, - delingen aqparatta.
Oqiǵa ornynda TJM qutqarýshylary jumys isteýde. Eholottar, ushqyshsyz ushý apparattary jáne sýasty drondary siiaqty arnaiy jabdyqtar paidalanylýda.
Izdestirý-qutqarý jumystaryna jeke quramnan 200-ge jýyq adam, 40 birlik tehnika, 15 sý kóligi, 4 kinologiialyq eseptop jáne 2 TJM áýe kemesi tartylǵan.
Aita keteiik, buǵan deiin Otar mańynda tikushaqty izdestirý-qutqarý jumystary júrgizilip jatqany habarlanǵan.
