فوتو: تجم
قر تٶتەنشە جاعدايلار مينيسترلٸگٸ وتار ەلدٸ مەكەنٸ اۋماعىندا بايلانىس ٷزٸلگەن ەۋە قورعانىس كٷشتەرٸنٸڭ تٸكۇشاعىنا قاتىستى وقيعانىڭ مەن-جايىن انىقتاۋ بويىنشا ٸزدەستٸرۋ-قۇتقارۋ جۇمىستارىن تەۋلٸك بويى جالعاستىرۋدا.
تٶتەنشە جاعدايلار مينيسترلٸگٸنٸڭ كوماندالىق ورتالىعىندا جٷرگٸزٸلگەن عارىشتىق مونيتورينگ بارىسىندا الماتى وبلىسىنداعى سوربۇلاق كٶلٸنٸڭ اكۆاتوريياسىندا مايلى داقتىڭ بولۋى مٷمكٸن ەكەندٸگٸ انىقتالدى.
- تجم قۇتقارۋشىلار توبى شۇعىل تٷردە اتالعان ايماققا شىقتى. ٸزدەۋ جۇمىستارى تٷنگٸ ۋاقىتتا دا جالعاستى. جۇمىس بارىسىندا قورعانىس مينيسترلٸگٸنە تيەسٸلٸ بولۋى مٷمكٸن ەۋە كەمەسٸنٸڭ فراگمەنتتەرٸ تابىلدى, - دەلٸنگەن اقپاراتتا.
وقيعا ورنىندا تجم قۇتقارۋشىلارى جۇمىس ٸستەۋدە. ەحولوتتار, ۇشقىشسىز ۇشۋ اپپاراتتارى جەنە سۋاستى دروندارى سيياقتى ارنايى جابدىقتار پايدالانىلۋدا.
ٸزدەستٸرۋ-قۇتقارۋ جۇمىستارىنا جەكە قۇرامنان 200-گە جۋىق ادام, 40 بٸرلٸك تەحنيكا, 15 سۋ كٶلٸگٸ, 4 كينولوگييالىق ەسەپتوپ جەنە 2 تجم ەۋە كەمەسٸ تارتىلعان.
ايتا كەتەيٸك, بۇعان دەيٸن وتار ماڭىندا تٸكۇشاقتى ٸزدەستٸرۋ-قۇتقارۋ جۇمىستارى جٷرگٸزٸلٸپ جاتقانى حابارلانعان.
