Otandyq qutqarýshylar qolaisyz aýa raiy saldarynan tótenshe jaǵdaiǵa tap bolǵan 1453 adamnyń qaýipsizdigin qamtamasyz etti, dep habarlaidy QazAqparat.
«Ózderińiz biletindei, sońǵy kúnderi qolaisyz aýa raiy saldarynan bolǵan tótenshe jaǵdaidy joiý jóninde respýblikalyq shtab quryldy. Búginde Qaraǵandy, Atyraý, SQO Almaty oblysy jáne Nur-Sultan, Almaty qalasy boiynsha shtab óz jumysyn jalǵastyrýda. Sońǵy 2 kún ishinde respýblikanyń 8 oblysynda avtojoldardyń 111 ýchaskesi boiynsha jol qozǵalysyna shekteý qoiyldy. Tótenshe jaǵdai saldaryn joiý jáne qolaisyz aýa raiy saldarynan qiyndyqqa tap bolǵan turǵyndarǵa kómek kórsetý maqsatynda 40 jylytý beketi jumys istep, 1 121 tehnika jumyldyryldy», - dedi TJM basshysy Iýrii Ilin Ortalyq kommýnikatsiialar qyzmeti alańynda ótken baspasóz máslihatynda.
Ministrdiń málimdeýinshe, «101» jáne «112» jelisi arqyly kómek suraǵan 7 myńnan astam habarlama kelip túsken.
«Búgin saǵat 11:00-degi jaǵdai boiynsha respýblikalyq mańyzy bar 2 jol ýchaskesi jáne oblystyq mańyzy bar 12 jol ýchaskesi boiynsha jol áli de jabyq. Joldy tazartý jumysy júrip jatyr jáne jaǵdai baqylaýda. 29-30 naýryz kúnderi qutqarý bóliminiń mamandary 1453 adamdy, onyń ishinde 199 balany qutqaryp, evakýatsiialady», - deidi ol.
