QR IIM Tótenshe jaǵdailar komitetiniń tóraǵasy Vladimir Bekker elimizdegi órt qaýpi joǵary óńirlerdi atady, dep habarlaidy Sputnik Qazaqstan.
Onyń aitýynsha, sáýir aiynan beri órttiń aldyn alý jumystary júrgizilip jatyr.
"Osy jyldyń sáýir aiynda tótenshe jaǵdailar departamenti, politsiia basqarmasy, orman kúzeti qyzmetkerlerinen arnaiy toptar quryldy. Olar shópti qasaqana órteý derekterin anyqtaý jumysyn júrgizdi. Bul jumys sáýir aiynda oń nátijesin berdi. 3 myńnan astam reid júrgizildi. 500 adam zań buzǵany úshin ákimshilik jaýapkershilikke tartyldy", - dedi ol.
Vladimir Bekker elimizde qurǵaq aýa raiy saldarynan órt qaýpi joǵary ekenin jetkizdi.
"Órt shyǵý derekteriniń sany artýda. Aqmola, Qostanai, Shyǵys Qazaqstan oblystarynda órt shyǵý qaýpi óte joǵary. Al búginnen bastap Pavlodar oblysynda órt shyǵý qaýpi óte joǵary – 5-shkalasy belgilendi. Bul – óte joǵary kórsetkish. Bizde qaýiptiligine qarai órt 5 shkalaǵa bólinedi", - dedi komitet tóraǵasy.
Sóz sońynda ol sharýa qojalyqtary men qarapaiym turǵyndarǵa órt qaýipsizdigin saqtaýǵa keńes berdi.
