Qazaqstanǵa kirýi shektelgen qytailyq jumysshylardyń ornyna jergilikti turǵyndardan mamandar izdestirilip jatyr. Bul týraly Ortalyq kommýnikatsiialar qyzmetinde ótken baspasóz máslihatynda Energetika vitse-ministri Áset Maǵaýov aitty, dep habarlaidy QazAqparat.
«Birqatar memleketten sheteldik jumysshylardyń elimizge kirýine qoiylǵan shekteýlerge bailanysty joǵary bilikti mamandardy aýystyrý úshin jergilikti eńbek naryǵynda izdestirý (mamandardy) jalǵasady. Mysaly qazirgi ýaqytta KRI jobasynda barlyǵy 397 qytai azamaty jumys atqarýda. Engizilgen shekteýge bailanysty 161 qytailyq azamat QHR-dan kirgizilmedi. Premer-Ministrdiń tapsyrmasyn oryndaý úshin Energetika ministrligi Eńbek jáne halyqty áleýmettik qorǵaý ministrligimen, Atyraý oblysynyń ákimdigimen, «QazMunaiGaz» kompaniiasymen birge ol mamandardy jergilikti personalmen aýystyrý boiynsha sharalardy ázirledi», - dedi Áset Maǵaýov.
Onyń aitýynsha, búgingi kúni Atyraý oblysynyń ákimdigi men KRI mamandarynyń qatysýymen jergilikti kadrlardy qabyldaý boiynsha arnaiy komissiia quryldy.
«Osy komissiianyń jumysyna bailanysty 50-ge jýyq azamat jumysqa ornalastyryldy», - dedi ol.
