Almaty politsiiasy qalada tyr jalańash samokatpen júrgen qyz ben jigitti anyqtap, olardy 10 táýlikke qamaýǵa aldy, - dep habarlaidy "Ult aqparat".
Jergilikti politsiia departamentiniń málimetinshe, Almaty qalasynyń mamandandyrylǵan aýdanaralyq ákimshilik sotynda Almaty joldarynda kiimsiz samokatpen júrgen 1997 jyly týǵan M. esimdi qyz ben 2003 jylǵy G. esimdi azamatqa qatysty sot otyrysy ótken.
"Bostandyq aýdany politsiia basqarmasy qyzmetkerleri quqyqbuzýshylardy ustady. Olardyń ádepsiz áreketteri QR Ákimishilik quqyq buzýshylyq kodeksiniń 434-baby "Usaq buzaqylyq" boiynsha saralanǵan. Is materialdary iýrisdiktsiiaǵa sáikes sotqa jiberildi, onyń sheshimi boiynsha árqaisysy 10 kún ákimshilik qamaýǵa alyndy. Budan basqa, jolaýshylardy tasymaldaý erejelerin buzǵan 1994 jyly týǵan K. "Mersedes" júrgizýshisine qatysty da ákimshilik yqpal etý sharalary qabyldanǵanyn atap ótken jón (QR ÁQBK-niń 593-baby 1-bóligi). Onyń jolaýshysy - A. liýktan tyr jalańash adamdardy uialy telefonyna túsirip alǵan", - dedi Almaty qalasy jergilikti politsiia qyzmeti basqarmasynyń bastyǵy politsiia polkovnigi Erjan Uzabaev.
Eske salsaq, budan buryn jelide samokat mingen jalańash qyz ben jigittiń videosy taraǵan.
