Eger, "Úshtuǵyrly til" saiasatyna, "Saǵadiev reformasyna" osylaisha úndemei, kelisken syńaida qala bersek, bolashaqtaǵy jaǵdaiymyzdyń óte jaman bolary Aidan anyq.
Sol jamannyń basy - "Qazaqstan Jazýshylar Odaǵy" degen qoǵamdyq uiymnyń túbegeili adyra qalmaǵy. Óitkeni, aqyl-esi qos tilmen qoiyrtpaqtanǵan, óz Ata Tiliniń, basqa sala turmaq, ádebiette de esh bási bolmas Qazaqtan keleshekte eshqandai aqyn da, jazýshy da shyqpaidy. Al, aqyny, jazýshysy joq el - kórgensiz el. Kórgensiz eldiń kósegesi eshqashan kógermeidi. Biz sondai baqytsyzdyqqa bara jatyrmyz, ún-túnsiz.
"O, sankta simplitsitas!" ("O, sviataia prostota!")
Osydan alty ǵasyr buryn, ózin órtep jatqan alaýǵa otyn tastap turǵan ańqaý kempirdi kórgende, áigili cheh qaharmany Ian Gýs osylai depti, ólerdei qapalanyp. Bizdiń qazirgi jaǵdai - tup-týra sol sorly kempirdikindei! Qapaly Ian Gýs qana jetispei tur bizge...
