Aqparat jáne qoǵamdyq damý ministrliginiń saitynda «Tynyshtyq kúni» jáne «Sailaý kúni» úshin BAQ-ǵa arnalǵan usynymdar jariialandy, dep habarlaidy "Ult aqparat".
Tyiym salynady
«Qazaqstan Respýblikasyndaǵy sailaý týraly» Konstitýtsiialyq zańǵa sáikes sailaý kúni jáne onyń qarsańyndaǵy kúni kez kelgen sailaý aldyndaǵy úgitke tyiym salynady.
Saiasi partiialar, partiialyq tizimderge kiretin kandidattar, olardyń senim bildirgen adamdary jáne sailaý aldyndaǵy shtabtardyń jumysy týraly qandai da bir beinereportajdar, maqalalar, rolikter ornalastyrýǵa tyiym salynady.
Alaida, bul saiasi partiialar men kandidattar týraly aqparattyq, taldaý jáne kórneki úgit materialdaryn tikelei kóbeitýge ǵana qatysty emes. Beinesiýjetter men maqalalarda saiasi partiialardyń úgit bannerleri, plakattary men paraqshalary beinelengen kadrlardyń paida bolýyn boldyrmaý mańyzdy.
Buryn ornalastyrylǵan materialdardy internet-resýrstardyń basty betterine shyǵarýǵa jol berilmeidi.
Daýys berý kúninen bes kún buryn qoǵamdyq pikirge suraý salý nátijelerin jáne sailaýǵa bailanysty basqa da zertteýlerdi jariialaýǵa tyiym salynady.
Internet-resýrstardyń buryn ornalastyrylǵan materialdary boiynsha túsinikteme berý fýnktsiiasyn jabý ne belgili bir saiasi partiiaǵa daýys berý týraly úndeýlermen pikirlerdiń paida bolýyna jol bermeý úshin turaqty moderatsiiany júzege asyrǵan jón.
«Sailaý kúni» daýys berý biýlletenderin ornalastyrýǵa tyiym salynady.
Ruqsat etiledi
Saiasi partiialardan kandidattardyń kásibi qyzmetine qatysty materialdardy olardyń partiiaǵa qatystylyǵyn kórsetpei jariialaýǵa ruqsat etiledi.
Internet jelisinde buryn ornalastyrylǵan úgit materialdary burynǵy oryndarynda saqtalýy múmkin. Alaida, sailaýshylardyń qalaýy týraly buryn júrgizilgen saýalnamalardy qaita basyp shyǵarý jáne eske túsirý múmkin emes.
Sarapshylardyń, qoǵam qairatkerleriniń jáne t.b. pikirleri men suhbattary Saiasi partiialar men kandidattar týraly aitpastan, sailaýdyń róli men jalpy daýys berýdiń mańyzdylyǵy týraly jalpy pikirdi ǵana qamtýy múmkin.
Sailaý komissiialarynyń úi-jailarynan jáne daýys berýge arnalǵan úi-jailardan tys jerlerde buryn ilingen baspa úgit materialdary burynǵy oryndarynda saqtalýy múmkin.
Ulttyq baiqaýshylardyń daýys berý barysyna jáne onyń qorytyndylaryn shyǵarýǵa kedergi keltirmei, foto, aýdio jáne beinejazbalar jasaýǵa quqyǵy bar. Foto, aýdio jáne beinejazba, sol siiaqty baiqaýdyń ózi derbes derekterdiń, onyń ishinde sailaýshylar tiziminiń, toltyrylǵan biýlletenderdiń jáne t. b. qupiialylyǵy saqtalatyndai etip júzege asyrylýǵa tiis. Foto - jáne beinejazba daýys berý qupiiasyn jáne sailaýshylardyń derbes derekterin qorǵaý eskerile otyryp qana júrgizilýge tiis jáne azamattardyń beinesin olardyń kelisimin alǵannan keiin paidalanýǵa bolady.
Sailaý barysyn jariialaýǵa jáne taratýǵa tek buqaralyq aqparat quraldary ǵana quqyly.
