Pegasus tyńshylyq baǵdarlamasynyń tiziminen taǵy úsh qazaqstandyq tabyldy. Bul týraly OCCRP sybailas jemqorlyq pen uiymdasqan qylmysty zertteý ortalyǵy habarlady, dep jazady Sputnik Qazaqstan agenttigi.
Tizimde Kásibi áskerilendirilgen apattyq-qutqarý qyzmetteriniń respýblikalyq ortalyq shtabynyń baqylaý keńesi basshysynyń orynbasary Vladimir Bojko, QTJ burynǵy basshysy Saýat Myńbaev jáne Qaýipsizdik keńesiniń hatshysy Áset Isekeshev júr.
Olardy 2018 jyldan beri ańdyǵany habarlandy.
Eske salsaq, buǵan deiin buqaralyq aqparat quraldarynda zertteýdiń nátijesi jariialanǵan bolatyn. Oǵan sáikes, arnaiy qyzmetter izraildik NSO Group firmasynyń qylmyskerler men terroristerdi ańdýǵa arnalǵan baǵdarlamasyn álem boiynsha saiasatkerler, biznesmender, belsendiler, jýrnalister men oppozitsionerlerdi de ańdýǵa paidalanǵan.
Tizimde Qazaqstan Prezidenti, Premer-ministr, Almaty ákimi, sondai-aq biznesmender, quqyq qorǵaýshylar men jýrnalister bar bolyp shyqty.
Barlyǵy eki myńǵa jýyq qazaqstandyq nómir tirkelgen, onyń 92-si identifikatsiialandy.
