Atyraý oblysy Qurmanǵazy aýdanynda «Tyńdaityn memleket» jáne QHA qyzmetindegi jańa tásilder» taqyrybynda tájiribelik seminar ótti, – dep habarlaidy «Ult aqparat».
Seminardyń negizgi maqsaty – «Tyńdaityn memleket» tujyrymdamasy aiasynda elimizdegi árbir azamattyń qoǵamdaǵy róli men ómiriniń mańyzdylyǵyn túsindirý bolyp tabylady.
Atalǵan sharaǵa azamattyq qoǵam ókilderi ǵana emes, aýdandyq Qoǵamdyq kelisim keńesiniń, Analar keńesiniń músheleri, mediatorlar, jergilikti atqarýshy, sot jáne quqyq qorǵaý organdarynyń ókilderi, túrli etnos ókilderi qatysty.
«Tyńdaýshy memleket» tujyrymdamasyn júzege asyrý barshamyzǵa ortaq mindet. Osyǵan bailanysty seminarda bilik pen qoǵam arasynda turaqty dialog ornatý boiynsha atqarylyp jatqan jumystar, halyqpen tyǵyz qarym-qatynas ornatýdyń túrli tásilderi talqylandy. Sondai-aq, qoǵamdyq mediatorlardy sailaýdyń jańa erejeleri, kásibi kelissóz júrgizýshiler institýtyn qalyptastyrý, qurylyp jatqan respýblikalyq etnomediatsiia oqý ortalyǵynyń bazasynda aýdandyq deńgeide memlekettik qyzmetshilerdi oqytý máseleleri túsindirildi. Seminarǵa qatysýshylar «Ashyq esik kúni» respýblikalyq aktsiiasyn ótkizý tujyrymdamasymen tanysty», – deidi Atyraý oblysy Dostyq úiiniń meńgerýshisi.
Tájiribelik seminar sońynda oblystyq QHA qoǵamdyq qurylymdarynyń belsendilerine alǵys hattar tabys etildi. Sondai-aq seminarǵa qatysýshylar «Mádenietti ana – mádenietti el» kontseptsiiasy boiynsha teatrlandyrylǵan qoiylymnyń kórermeni boldy.
«Men Atyraý oblysynda elý jyldan astam ýaqyt turyp kelemin. Sanaly ǵumyrymdy osy óńirde ótkizdim. Qazaqstannyń saiasaty, Qazaqstan halqy assambleiasynyń qyzmetine sondai rizamyn. Ózimizdi eshqashan bóten sezingen emespiz. «Estitin memleket» tujyrymdamasy da elimizdegi árbir azamattyń búgingi jaǵdaiynan habardar ári sarabdal saiasat ustanyp otyr degen senimdemin. Búgin «Mádenietti ana – mádenietti el» kontseptsiiasy boiynsha ótkizilgen qoiylymǵa qatysyp, men de óz úlesimdi qostym», – deidi kóp balaly analardyń biri.
Esterińizge sala keteiik, Atyraý oblysy Qurmanǵazy aýdanynda «Tyńdaityn memleket» jáne QHA qyzmetindegi jańa tásilder» taqyrybynda tájiribelik seminar ótti. Atalǵan sharaǵa azamattyq qoǵam ókilderi ǵana emes, aýdandyq Qoǵamdyq kelisim keńesiniń, Analar keńesiniń músheleri, mediatorlar, jergilikti atqarýshy, sot jáne quqyq qorǵaý organdarynyń ókilderi, túrli etnos ókilderi qatysty. Al seminardyń negizgi maqsaty – «Tyńdaityn memleket» tujyrymdamasy aiasynda elimizdegi árbir azamattyń qoǵamdaǵy róli men ómiriniń mańyzdylyǵyn túsindirý bolyp tabylady.
