Tian-Shan taýynda joǵalǵan Qazaqstan alpinisterin izdep tabý úshin Jeńis shyńyna áskeri alpinister ushyp shyqty, dep habarlaidy QazAqparat tilshisi.
«Áskeri alpinister apat ornyn ainalyp qarap shyǵý úshin Qarqara lagerinen Jeńis shyńynyń izdeý jumystary júrgizilip jatqan tusyna ushyp shyqty», - dep habarlaidy Qorǵanys ministrliginiń Aqparat jáne kommýnikatsiialar departamenti.
Eske salsaq, almatylyq alpinister Murat Ótepbaev, Andrei Korneev jáne Aleksandr Chechýlin Qyrǵyz taýlarynda joǵalyp ketti. Almaty qalasynyń ákimi Baqytjan Saǵyntaev alpinister tobynyń iz-túzsiz ketýine qatysty Instagram paraqshasynda alańdaýshylyq bildirdi.
Keiinirek quzǵa órmeleýshilerdiń biriniń qyzy áleýmettik jeli arqyly qalyń kópshilikten kómek surady.
Kóp uzamai QR Qorǵanys ministrligi alpinisterdi qutqarý operatsiiasyn bastaǵanyn málim etti.
Qutqarýshylar tobyna áigili alpinist Maqsut Jumaev jetekshilik etýde.
