Qazirgi tańda túzetý mekemesinde jazasyn óteýshiler arasynda shaǵyn jáne orta kásipti igerý, damytý jumystary erekshe júretini belgili. Sebebi túzetý mekemesindegi azamattardy odan keiingi ómirge beiimdeý, bostandyqqa shyqannan keiingi qalypty ómirge enýi úshin jasalatyn áreketter. Osyndai sharalardy qolǵa alý maqsatynda Aqtóbe oblysynda túzetý mekemelerindegi shaǵyn jáne orta biznesti damytý máseleleri qaraldy, - dep habarlaidy «Ult aqparat».
Óndiristik aimaqtyq jumysymen tanysqan oblys ákiminiń orynbasary Rýslan Qambarov qaýipsizdigi ortasha KA-168/2 túzetý mekemesinde shaǵyn jáne orta biznesti damytýǵa kedergi bar ekenin atap ótti.
Sonymen qatar, osy mekemede óz kásibin úirenip, dóńgeletip bastaǵan Aidos Azamatuly búginde on saýsaǵynan bal tamǵan naǵyz sheberge ainalǵan. Ol nebári eki jyldyń ishinde kúmisten áshekei buiymdar soǵyp, avtorlyq áshekeiler jasap júr. Bul týraly ózi bylaidy deidi:
«Ómirde «jańylmaityn jaq, súrinbeitin tuiaq bolmaidy». Jas boldyq, bilmestikpen qate bastyq. Biraq ómir munymen bitip qalǵan joq. osy jerden jaryq kúnge aman-esen shyqqan soń kún kóretin kásiptiń keregi sózsiz. Adal ómir súrý úshin adal eńbek etý kerek. Meniń anam men tórt qaryndasym bar. alǵashqyda solarǵa degen saǵynyshpen qyz-kelinshekterge arnalǵan áshekeiler jasaýǵa qyzyqqanmyn. Qazir ony shaǵyn kásipke ainaldyrdym. Buiyrsa, aldaǵy ómirim osy áshekeiler siiaqty ásem de jarqyn bolatynyna senemin», - dedi ol.
Aqtóbe oblysy ákiminiń orynbasary Rýslan Qambarov, oblys prokýrorynyń orynbasary Ǵalymjan Tileýbaev jáne «Atameken» kásipkerler palatasynyń jáne «Eńbek» RMK filialynyń ókilderi KA-168/2 túzeý mekemesiniń óndiristik aimaǵyn aralady.
Mekememen tanysýshylar temir-beton ýchaskesin, tigin, mehanikalyq tseh, aǵash óńdeý tsehy, naýbaihana men mekemeniń basqa da jumys istep turǵan nysandaryn qarady. Aqtóbe oblysy boiynsha QAJ departamentiniń bastyǵy Almas Shámishev bos turǵan óndiristik ǵimarattar men úi-jailardyń quqyǵyn belgileitin qujattary men tehnikalyq qujatynyń joq ekenin atap ótti. Bul shaǵyn jáne orta biznes sýbektilerin tartýǵa, mekeme aýmaǵyndaǵy óndiristik qýatty arttyrý jáne sottalǵandardy jumyspen qamtýǵa kedergi keltirip otyr.
«Sottalǵandardy eńbekke aralastyrý túzeý mekemeleri mindetteriniń biri bolyp tabylady. Qazirgi ýaqytta Aqtóbe oblysy boiynsha QAJ departamentine qarasty KA-168/2 túzeý mekemesiniń aýmaǵynda eńbekke qabiletti sottalǵandardyń 68,6 % jumys istep júr. Jazasyn óteýshiler jalaqysyn otbasyna jiberedi jáne sotpen taǵaiyndalǵan talap-aryzdardy óteidi», - dedi Aqtóbe oblysy boiynsha QAJ departamentiniń bastyǵy Almas Shámishev.
Aqtóbe oblysy ákiminiń orynbasary Rýslan Qambarov basqarma basshylaryna problemalyq máseleler boiynsha jazbasha usynys engizý týraly jeke tapsyrma berdi.
Aita keteiik, Aqtóbe oblysynda tórt túzetý mekemesi jumys isteidi. Atap aitqanda, Qazaqstan Respýblikasy Ishki ister ministrligi Qylmystyq atqarý-júiesi komitetiniń «KA-168/1 mekemesi» respýblikalyq memlekettik mekemesi, Qazaqstan Respýblikasy Ishki ister ministrligi Qylmystyq atqarý-júiesi komitetiniń «KA-168/2 mekemesi» respýblikalyq memlekettik mekemesi, Qazaqstan Respýblikasy Ishki ister ministrligi Qylmystyq atqarý-júiesi komitetiniń «KA-168/3 mekemesi» respýblikalyq memlekettik mekemesi jáne Qazaqstan Respýblikasy Ishki ister ministrligi Qylmystyq atqarý-júiesi komitetiniń «KA-168/5 mekemesi» respýblikalyq memlekettik mekemesi.
Esterińizge sala keteiik, Aqtóbe oblysynda túzetý mekemelerindegi shaǵyn jáne orta biznesti damytý máseleleri qaraldy. Aqtóbe oblysy ákiminiń orynbasary Rýslan Qambarov, oblys prokýrorynyń orynbasary Ǵalymjan Tileýbaev jáne «Atameken» kásipkerler palatasynyń jáne «Eńbek» RMK filialynyń ókilderi KA-168/2 túzeý mekemesiniń óndiristik aimaǵyn aralady. Mekememen tanysýshylar temir-beton ýchaskesin, tigin, mehanikalyq tseh, aǵash óńdeý tsehy, naýbaihana men mekemeniń basqa da jumys istep turǵan nysandaryn qarady.
