"KTK" telearnasynyń kadry
Alabai shabýyl jasaǵan qyzǵa plastikalyq ota qajet. Politsiia balany tistegen alabaidyń iesine qatysty qylmystyq is qozǵaǵan. Qaiǵyly oqiǵa Almaty oblysynda bolǵan edi. Itter jeti jasar qyzǵa shabýyl jasaǵan, - dep habarlaidy Tengrinews.kz agenttigi "KTK" telearnasyna silteme jasap.
Týystarynyń aitýynsha, qyzǵa meditsinalyq ári psihologiialyq kómek qajet.
"Eki alabai ony súiregen. Barlyq kiimi qan josa ári jyrtylǵan. Bala jylap keldi. Ol sińlisin qorǵaǵysy keldi. Qazir ol aýrýhanada jatyr, betin kórsetýge uialady. Sirá, endi uzaq ýaqyt boiy dalaǵa shyǵýǵa qorqatyn shyǵar. Qyzdar dalada oinap júrgen, kórshi qaqpadan eki úlken it shyqqan. Alabailar birden balaǵa shaýyp, betine, qoldary men aiaqtaryna jabysyp, súiregen. Biraz ýaqyttan keiin kórshisi shyǵyp, itterdi úige kirgizýge tyrysqan, biraq olar qashyp ketken. Ol búgin aýrýhanadan shyǵaryldy. Jaraqattaryn tigý qajet boldy. Balaǵa plastikalyq hirýrgiia jáne psihologiialyq kómek qajet. Otbasy itterdiń ielerinen jazalaýdy, qyzdy emdeýge jáne odan ári ońaltýǵa aqy tóleýdi talap etip otyr", - deidi zardap shekken qyzdyń jeńgesi Gúljan Bilmanova.
