Foto: Vox Populi
Májilis depýtaty Amanjol Altai Temirtaý qalasyna "jańa ataý berdi", - dep habarlaidy Tengrinews.kz agenttigi.
Májilismen vitse-premer ministr Roman Skliardyń atyna joldaǵan depýtattyq saýalynda álemniń tórt qurlyǵynda 18 elde óndirisi bar "ArselorMittal" kompaniialar tobynyń ziian qaldyqtarynyń shamamen 50 paiyzy kómirdi paidalanatyn jalǵyz kásiporyn Temirtaý kombinatynan ekenin málimdedi.
"Temirtaý qalasyndaǵy ýshyǵyp turǵan ekologiialyq jaǵdai halyqty alańdatyp otyr. Búginde Temirtaýdy Temirtaý emes, shyn máninde Tútintaý deýge bolady. Bul qalada aspannan jaýǵan appaq qar qara túske ainalyp, adamdardy qorqytady", - dedi Májilis depýtaty.
Depýtat vitse-premerden "ArselorMittal Temirtaý" AQ boiynsha táýelsiz ekologiialyq saraptama júrgizýge járdemdesýdi, zamanaýi tabiǵat qorǵaý nysandaryn, avtomatty baqylaý aspaptaryn jańǵyrtýdy jáne ornatýdy júrgizýdi, jumysshylardyń eńbegin qorǵaýdy baqylaýdy, tabiǵat qorǵaý is-sharalaryn kúsheitýdi jáne kásiporyn jumysshylarynyń jalaqysyn arttyrý týraly máseleni sheshýdi surady.
