Ekaterinbýrgte bokstan ótip jatqan álem chempionatynda qazaqstandyq Tursynbai Qulahmet te jartylai finalǵa shyqty, dep habarlaidy "Ult aqparat".
T.Qulahmet shirek finalda 75 kelige deiingi salmaqta armeniialyq Arman Darchinianmen kezdesti.
Tursynbai alǵa umtylǵan qarsylasyn tosyp alyp, judyryǵyn jiirek jumsap, aiaqpen de jyldam qimyldai bildi.
Tóreshiler biraýyzdan 5:0 esebimen jeńisti T.Qulahmetke berdi.
Tursynbai Qulahmet buǵan deiin chehiialyq Milosh Bartldy jáne amerikalyq Haver Martinesti jeńgen bolatyn.
Bul salmaqtaǵy 2017 jylǵy álem birinshiliginiń kúmis júldegeri Ábilhan Amanqul jaraqattanyp qalǵandyqtan, biylǵy Aziia chempionatyna T.Qulahmet baryp, chempion atanǵan.
Eske sala keteiik, budan buryn qazaqstandyqtardyń shirek finalda kimdermen kezdesetinin, Sáken Bibosynovtyń birinshi bolyp jartylai finalǵa ótkenin jazǵan bolatynbyz. Ol da armeniialyq sportshymen judyryqtasqan edi.
