Áleýmettik jaǵynan az qamtylǵan almatylyq jastarǵa Búkilálemdik bank 1 mln teńgeden grant bóletin boldy, dep habarlaidy Almaty kásipodaqtar aimaqtyq birlestiginiń baspasóz qyzmeti.
Qazaqstan Respýblikasy men Halyqaralyq qaita qurý jáne damý banki (Búkilálemdik bank) «Zhas Project» jobasyn júzege asyrý týraly kelisimge keldi. Bul joba áleýmettik jaǵynan az qamtylǵan jastardy áleýmettik jáne biznes jobalarǵa tartýǵa baǵyttalǵan. Joba biyl Qazaqstannyń 6 óńirin: Aqmola, Atyraý, BQO, Mańǵystaý, Almaty, Astana oblystaryn qamtidy. Ár grant iegerine 1 mln teńge beriledi. Qazir jergilikti aimaqtarda atalǵan baiqaý týraly túsindirý jumystary júrgizilip jatyr.
Jaqynda Astanada «Zhas Project» jobasynyń áriptesteri úshin baǵdarly seminar ótti. Seminardy Jastar korpýsyn damytý jobasyn iske asyratyn úilestirý agenttigi uiymdastyrdy. Jobany iske asyrýshy - Qazaqstan Respýblikasynyń Bilim jáne ǵylym ministrligi.
Seminar aimaqaralyq yntymaqtastyqty damytý, ómirlik daǵdylar tujyrymdamasyn túsiný, áleýmettik turǵydan álsiz jastar tobymen jáne jastar bastamashyl toptarymen jumys isteý negizderin, jobanyń jumysyn túsindirýde buqaralyq aqparat quraldarymen jáne jurtshylyqpen jumys isteý daǵdylaryn nyǵaitý úshin uiymdastyryldy. Úilestirý agenttiginiń mamandary jobany júzege asyrýdaǵy eki jyldyq jumys tájiribesimen jáne elimizdiń alty óńirindegi odan ári jumys isteý josparlarymen bólisti.
2017 jyly osy baǵytta 589 áleýmettik joba iske asyrylǵan bolatyn.
