Biyl eldegi 29 qylmystyq atqarý mekemesin beinebaqylaý júiesimen jabdyqtaýǵa 3 mlrd 704 myń teńge bólinip otyr, dep habarlaidy QazAqparat.
«Qylmystyq atqarý júiesiniń mekemelerin beinekameralarmen tolyq jabdyqtaý jumystary kezeń-kezeńmen 2023 jylǵa deiin júrgiziledi. Ashyqtyqty qamtamasyz etý úshin beinekameralar men qurylǵylaryn satyp alý ashyq konýrs arqyly júrgizilip jatyr. Bul konkýsrqa bári qatysa alady. Oǵan qosa, mekemelerde tasa oryn qalmas úshin 33 myń tsifrlyq beinekamera alý kerek. Biyl qylmystyq atqarý júiesiniń 29 mekemesin jabdyqtaý úshin 3 mlrd 704 myń teńge bólingen», - dedi Ishki ister ministrligi Qylmystyq atqarý júiesi komitetiniń basqarma bastyǵy Bibigúl Muńaitpasova.
Basqarma bastyǵynyń sózine qaraǵanda, bólingen qarajat tek kamera satyp alýǵa ǵana jumsalmaidy.
«Kameradan bólek beinebaqylaý júiesiniń jumysyna qajet fýnktsionaldyq tirkegish, komýtator, basqarý serveri siiaqty ózge de elementterdiń quny da osy somaǵa kiredi. Bul qarajatqa qyzmetkerlerdiń ózin videotirkegishpen jabdyqtaý shyǵyny da enip otyr», - dedi komitettiń basqarma bastyǵy.
