La 155/4 túzeý mekemesinde 22 jastaǵy sottalýshy bosandy, dep habarlaidy "Ult aqparat".
Jazasyn ótep jatqan sottalýshy 28 sáýir kúni saǵat 22:50 de qyz balany dúniege ákeldi. Qazir bala da ana da Ile aýdandyq aýrýhanasynda.
Dárigerlerdiń aitýynsha, olardyń densaýlyǵy jaqsy. Qazir kishkentai nárestesin baýyryna alǵan 1998 jylǵy jas ana barlyq qyzmet kórsetken dágirlerge, LA 155/4 Túzeý mekemesiniń qyzmetkerlerine alǵysyn bildirýde.
«Ile aýdandyq aýrýhanasynyń dárigeri Aijan Shynybaevaǵa, Gúlzada Jahanovaǵa, Amangúl Áshimbetovaǵa úlken alǵysymdy bildiremin. Meniń jáne balamnyń ómirine alańdaýshylyq bildirip, barynsha qoldaý kórsetti. Aman-esen bosandym, jaǵdaiymyz jaqsy. LA 155/4 Túzeý mekemesiniń basshylyǵyna alǵysym sheksiz. Meniń jaǵdaiymdy túsinip, aýrýhanaǵa ákeldi. Maǵan qoldaý kórsetken barsha jandarǵa rahmet», - dedi 22 jastaǵy jazasyn óteýshi.
LA 155/4 Túzeý mekemesiniń basshysy Madiiar Qonqanovtyń aitýynsha, ana men bala túzeý mekemesine oralǵan soń jeke bólmege ornalastyrylady. Sebebi jazasyn óteýshilerdiń balalaryn dúniege kelgennen 3 jasqa deiin tárbieleitin balalar úii karantinge jabylǵan.
Esterińizge sala keteiik, buǵan deiin LA 155/4 Túzeý mekemesinde aiaǵy aýyr sottalýshydan koronavirýs anyqtalǵany habarlanǵan bolatyn. Artynsha jazasyn óteýshi qaitalap tapsyrǵan synama qorytyndysy indetke teris nátije berip, túzeý mekemesinde jariialanǵan karantin Ile aýdanynyń bas sanitarlyq dárigeriniń qaýlysymen alynyp tastaldy.
