Memleket basshysy Qazaqstan grek-rim, erkin jáne áielder kúresi federatsiiasynyń prezidenti Dáýlet Turlyhanovty qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Kezdesý barysynda Dáýlet Turlyhanov Qasym-Jomart Toqaevqa federatsiianyń buqaralyq jáne kásibi sportty damytý, Dene shynyqtyrý jáne sport salasyn órkendetý jónindegi memlekettik baǵdarlamany júzege asyrý úshin qabyldap jatqan sharalary, sondai-aq balýandardyń 2024 jyly ótetin Jazǵy olimpiada oiyndaryna daiyndyǵy týraly baiandady.
Sonymen qatar kezdesýde jastardyń ózekti máselelerine, sonyń ishinde olardy buqaralyq sport túrlerine tartýǵa, óńirlerde sport infraqurylymdaryn damytýǵa basa mán berildi.
Osy rette Prezident aimaqtarda jazǵy jáne qysqy sport túrlerin ilgeriletý jumystaryn kúsheitý qajet ekenin aitty.
