Túrkiianyń Syrtqy ister ministrligi Qazaqstandaǵy Parlament jáne máslihat depýtattaryn sailaý naýqanyna qatysty pikir bildirdi, dep habarlaidy QazAqparat Anadoly agenttigine silteme jasap.
«Biz búgingi parlamenttiń tómengi palatasy (Májilis) men jergilikti atqarýshy organdardy (máslihat) sailaý beibit jáne tynysh ótkenine qýanyshtymyz. Ankaralyqtar sailaý nátijesi baýyrlas qazaq halqy úshin nátijeli bolǵanyn tileidi», - delingen Túrkiianyń syrtqy ister ministrliginiń habarlamasynda.
Túrkiia ókildigi «Biyl táýelsizdik alǵanyna 30 jyl tolǵan Qazaqstan men Túrkiianyń strategiialyq seriktestigi aldaǵy ýaqytta da dami beredi» degen senim bildirdi.
Eske salsaq, keshe Qazaqstanda Konstitýtsiialyq merzimge sai ótken Parlament Májilis jáne máslihat depýtattaryn sailaýy ótti.
Májilis sailaýynda elimizde tirkelgen 5 saiasi partiia, atap aitqanda, «Aýyl» halyqtyq-demokratiialyq patriottyq partiiasy, «Nur Otan» partiiasy, «ADAL» saiasi partiiasy, Qazaqstannyń «Aq jol» demokratiialyq partiiasy, «Qazaqstannyń Halyq partiiasy» depýtattyq mandattan úmitti. Bul partiialar barlyq deńgeidegi jergilikti máslihattarǵa da kandidattaryn usynǵan.
Májiliske 5 partiiadan barlyǵy 312 kandidat, onyń ishinde: «Aýyl» halyqtyq-demokratiialyq patriottyq partiiasynan 19; «Nur Otan» partiiasynan 126; «ADAL» saiasi partiiasynan 16; Qazaqstannyń «Aq jol» demokratiialyq partiiasynan 38 jáne «Qazaqstannyń Halyq partiiasynan» 113 adam bar.
Sailaýdyń alǵashqy Exit poll nátijesi jariialandy.
