Túrkiianyń batysynda juma kúni magnitýdasy 6,6 baldyq jer silkinisi boldy, dep habarlaidy Anadoly agenttigi.
Túrkiia úkimeti janyndaǵy Tótenshe jaǵdailardyń aldyn alý jáne joiý basqarmasynyń (AFAD) habarlaýynsha, jerasty dúmpýi jergilikti ýaqytpen 14.51-de, Izmir provintsiiasy Seferhisar aýdanyndaǵy Egei teńiziniń jaǵalaýynda tirkelgen.
Dúmpý Stambýlda, Túrkiianyń batysyndaǵy kóptegen provintsiiada jáne Afiny qalalarynda da sezilgen. Grekiianyń Samos aralynda da zardap shekkender bar.
US Geological Survey ortalyǵy jer dúmpýi 10 km tereńdikte bolǵanyn habarlasa, Túrkiia biligi 20 km dep málimdedi.
Jer silkinisi 15 sekýndqa sozylǵan.
Túrkiia IIM málimetinshe, zilzala saldarynan Izmir qalasynyń Bornova jáne Bairakly aýdandarynda alty turǵyn úi qiraǵan.
Túrkiia úkimeti janyndaǵy tótenshe jaǵdaidyń aldyn alý jáne saldaryn joiý jónindegi basqarmanyń (AFAD) málimetinshe, Izmirdegi zilzaladan 321 adam jaraqat alǵan, 6 adam qaza tapqan. Sondai-aq 20 ǵimarat qiraǵan. Búlingen ǵimarattardyń mańynda qutqarýshylar jumys isteýde.
Úiindi astynda qalǵan 70 turǵyn qutqarylǵan. Jalpy qutqarý jumystaryn júrgizýge 3 mln túrik liri bólingen.
Izmir – Túrkiiadaǵy eń iri úshinshi qala. Qalada jer silkinis bolǵan soń jurt úilerin tastap kóshege qashqan.
Biyl qańtarda Túrkiianyń Eliazyg provintsiiasynda bolǵan jer silkinisinen 30 adam qaitys bolyp, 1600 adam jaralanǵan.
2019 jyly Grekiia astanasy Afinyda da jer silkinip, qalanyń biraz bóligi jaryqsyz qalǵan.
1999 jyly Túrkiianyń Izmit qalasynda kúshti jer silkinip, 17 myń adam qaza bolǵan.
