Túrkiia reseilik Sputnik V vaktsinasynyń 50 mln dozasyn alý týraly kelisimge qol qoidy. Bul týraly Túrkiianyń densaýlyq saqtaý ministri Fahrettin Kodja aitty, dep habarlaidy Anadoly agenttig.
Vedomstvonyń habarlaýynsha, vaktsinany alý sharalary mamyr aiynda bastalmaq. Ekpe toptamasy Túrkiiaǵa aldaǵy jarty jyl ishinde jetkiziledi.
Fahrettin Kodja qazirgi kezde Túrkiiada qoldanystaǵy BioNtech vaktsinasynyń eki dozasyn salý aralyǵy 6-7 aptaǵa deiin uzartylǵanyn aitty.
Sonymen qatar ministr el aýmaǵynda tirkelgen koronavirýstyń jańa túrlerin juqtyrý oqiǵalary týraly aqparat berdi.
«Úndilik nusqa Ystanbuldaǵy 5 azamatymyzdan tabyldy. Bul nusqa birinshi ret anyqtalyp otyr, sol sebepti juqtyrý oqiǵasy jeke tekseriledi», - dedi Túrkiia ministri.
Sonymen qatar ol jaqyn arada Túrkiiada «Faza-3» synaǵy aiasynda túrkiialyq belsendirilmegen vaktsinany testileý bastalatynyn atap ótti. Ministrdiń aitýynsha, bul – preparatty jalpy qoldanysqa shyǵarý aldyndaǵy sońǵy qadam.
