تٷركييا رەسەيلٸك Sputnik V ۆاكتسيناسىنىڭ 50 ملن دوزاسىن الۋ تۋرالى كەلٸسٸمگە قول قويدى. بۇل تۋرالى تٷركييانىڭ دەنساۋلىق ساقتاۋ مينيسترٸ فاحرەتتين كودجا ايتتى, دەپ حابارلايدى انادولى اگەنتتٸگ.
ۆەدومستۆونىڭ حابارلاۋىنشا, ۆاكتسينانى الۋ شارالارى مامىر ايىندا باستالماق. ەكپە توپتاماسى تٷركيياعا الداعى جارتى جىل ٸشٸندە جەتكٸزٸلەدٸ.
فاحرەتتين كودجا قازٸرگٸ كەزدە تٷركييادا قولدانىستاعى BioNtech ۆاكتسيناسىنىڭ ەكٸ دوزاسىن سالۋ ارالىعى 6-7 اپتاعا دەيٸن ۇزارتىلعانىن ايتتى.
سونىمەن قاتار مينيستر ەل اۋماعىندا تٸركەلگەن كوروناۆيرۋستىڭ جاڭا تٷرلەرٸن جۇقتىرۋ وقيعالارى تۋرالى اقپارات بەردٸ.
«ٷندٸلٸك نۇسقا ىستانبۇلداعى 5 ازاماتىمىزدان تابىلدى. بۇل نۇسقا بٸرٸنشٸ رەت انىقتالىپ وتىر, سول سەبەپتٸ جۇقتىرۋ وقيعاسى جەكە تەكسەرٸلەدٸ», - دەدٸ تٷركييا مينيسترٸ.
سونىمەن قاتار ول جاقىن ارادا تٷركييادا «فازا-3» سىناعى اياسىندا تٷركييالىق بەلسەندٸرٸلمەگەن ۆاكتسينانى تەستٸلەۋ باستالاتىنىن اتاپ ٶتتٸ. مينيستردٸڭ ايتۋىنشا, بۇل – پرەپاراتتى جالپى قولدانىسقا شىعارۋ الدىنداعى سوڭعى قادام.
