© AP Photo / Elifaysenurbay
Túrkiianyń ońtústik-shyǵysyndaǵy joiqyn jer silkinisinen qaza tapqandar men zardap shekkender arasynda Qazaqstan azamattary joq. Bul týraly Syrtqy ister ministrliginiń resmi ókili Aibek Smadiiarov málimdedi, dep habarlaidy "Ult aqparat".
"Túrkiia Respýblikasyndaǵy Elshiligimizdiń aqparatyna sáikes, Astana ýaqytymen saǵat 15-00-degi jaǵdai boiynsha Túrkiianyń ońtústik-shyǵysyndaǵy qýatty jer silkinisinen keiin Qazaqstan azamattarynan ótinish túsken joq. Konsýl Túrkiianyń tótenshe jaǵdailar jónindegi basqarmasymen únemi bailanysta otyr. Qazirgi ýaqytta zardap shekkender nemese qaza tapqandar tiziminde Qazaqstan azamattary joq", - dedi Smadiiarov apta saiynǵy brifingte.
Onyń aitýynsha, qirandylardyń kóp bolýyna bailanysty qutqarý jumystarynyń jalǵasyp jatqanyn eskergen jón.
Eske salsaq, dúisenbige qaraǵan túni Túrkiianyń ońtústik-shyǵysy men Siriiada joiqyn jer silkinisi boldy. Sońǵy málimetterge súiensek, eki elde qaza tapqandar sany 500-ge jýyqtaǵan. Myńdaǵan adam jaraqat aldy.
