Sýret: Getty Images
Túrkiiada jer silkinisi kezinde qulaǵan úidiń merdigeri Múslim Demirer 18 jyl bir jarym aiǵa bas bostandyǵynan aiyryldy, dep habarlaidy "Ult aqparat" Anadolu basylymyna silteme jasap.
Túrkiiada bir jyl buryn bolǵan jer silkinisi kezinde qiraǵan úilerge bailanysty sot protsesi áli de jalǵasýda. Shanlyýrfada bir úi qulap, 34 adam qaza tapqan edi. Ǵimarattyń qurylysyna jaýaptylardyń úsheýi jer silkinisine deiin qaza bolǵan.
Bastapqyda sot Múslim Demirerdi 21 jyl 9 aiǵa bas bostandyǵynan aiyrdy. Alaida Demirerdiń uly da zilzala kezinde úii qulap, úiindi astynda qalyp qaza tabýyna bailanysty merzimi qysqardy.
Prokýrorlar men marqumdar jaǵy sottan Demirerge eń joǵary jaza taǵaiyndaýdy suraǵan bolatyn.
Eske sala keteiik, 2023 jyly 6 aqpanda Túrkiianyń ońtústik-shyǵysy, zilzalanyń oshaǵy Kahramanmarashta magnitýdasy 7-den asatyn eki jer silkinisi boldy. Júzdegen dúmpýlerge ulasqan jer silkinisi eldiń 10 provintsiiasynda, sondai-aq Siriiada da sezildi.
Túrkiiada jer silkinisi kezinde qulaǵan turǵyn úilerge qatysty 269 adam qamaýǵa alyndy. Jer silkinisinen kelgen materialdyq shyǵyn eki trillion túrik lirasyn (105 milliard dollardan astam) qurady.
Túrkiianyń ońtústik-shyǵysynda bolǵan joiqyn jer silkinisinen qaza tapqandar sany 50 myńnan asqan bolatyn.
