سۋرەت: Getty Images
تٷركييادا جەر سٸلكٸنٸسٸ كەزٸندە قۇلاعان ٷيدٸڭ مەردٸگەرٸ مٷسليم دەميرەر 18 جىل بٸر جارىم ايعا باس بوستاندىعىنان ايىرىلدى, دەپ حابارلايدى "ۇلت اقپارات" Anadolu باسىلىمىنا سٸلتەمە جاساپ.
تٷركييادا بٸر جىل بۇرىن بولعان جەر سٸلكٸنٸسٸ كەزٸندە قيراعان ٷيلەرگە بايلانىستى سوت پروتسەسٸ ەلٸ دە جالعاسۋدا. شانلىۋرفادا بٸر ٷي قۇلاپ, 34 ادام قازا تاپقان ەدٸ. عيماراتتىڭ قۇرىلىسىنا جاۋاپتىلاردىڭ ٷشەۋٸ جەر سٸلكٸنٸسٸنە دەيٸن قازا بولعان.
باستاپقىدا سوت مٷسليم دەميرەردٸ 21 جىل 9 ايعا باس بوستاندىعىنان ايىردى. الايدا دەميرەردٸڭ ۇلى دا زٸلزالا كەزٸندە ٷيٸ قۇلاپ, ٷيٸندٸ استىندا قالىپ قازا تابۋىنا بايلانىستى مەرزٸمٸ قىسقاردى.
پروكۋرورلار مەن مارقۇمدار جاعى سوتتان دەميرەرگە ەڭ جوعارى جازا تاعايىنداۋدى سۇراعان بولاتىن.
ەسكە سالا كەتەيٸك, 2023 جىلى 6 اقپاندا تٷركييانىڭ وڭتٷستٸك-شىعىسى, زٸلزالانىڭ وشاعى كاحرامانماراشتا ماگنيتۋداسى 7-دەن اساتىن ەكٸ جەر سٸلكٸنٸسٸ بولدى. جٷزدەگەن دٷمپۋلەرگە ۇلاسقان جەر سٸلكٸنٸسٸ ەلدٸڭ 10 پروۆينتسيياسىندا, سونداي-اق سيرييادا دا سەزٸلدٸ.
تٷركييادا جەر سٸلكٸنٸسٸ كەزٸندە قۇلاعان تۇرعىن ٷيلەرگە قاتىستى 269 ادام قاماۋعا الىندى. جەر سٸلكٸنٸسٸنەن كەلگەن ماتەريالدىق شىعىن ەكٸ تريلليون تٷرٸك ليراسىن (105 ميلليارد دوللاردان استام) قۇرادى.
تٷركييانىڭ وڭتٷستٸك-شىعىسىندا بولعان جويقىن جەر سٸلكٸنٸسٸنەن قازا تاپقاندار سانى 50 مىڭنان اسقان بولاتىن.
