Foto: QR TJM
Túrkiianyń Hatai provintsiiasyndaǵy tolyǵymen qiraǵan ǵimarattan qazaqstandyq qutqarýshylardyń kúshimen taǵy bir otandasymyz - Mirbolat Qurmashevtyń denesi tabylyp, úiindi astynan shyǵaryldy, - dep habarlaidy "Ult aqparat" QR Tótenshe jaǵdailar ministrliginiń baspasóz qyzmetine silteme jasap.
Vedomstvo málimetinshe, izdestirý barysynda, úiindi jaǵdaiyndaǵy qozǵalys kezinde qutqarýshylar aldyn ala belgilengen orynǵa jetý úshin barynsha jedel túrde arnaiy oiyq jasaǵan. Olar kishkentai bos oryndar arqyly oiyqtyń ishine kirgen.
Foto: QR TJM
"Bul rette qutqarýshylar qurylymdyq elementterdiń qaita qulaýyn boldyrmaý úshin tosqaýyldarda az sańylaýlar jasaýǵa tyrysty, úiindide qaýipti ýchaskelerdi bekitti, úiindi bólshekterin kóterip, jyljytty" - delingen habarlamada.
Eske salaiyq, beisenbide qazaqstandyq qutqarýshylar tolyǵymen qiraǵan alty qabatty ǵimarattyń qirandylaryn tazalaý kezinde Qazaqstan azamaty Ádil Qadyrbekovtiń denesin tapqan bolatyn.
