Túrkiianyń soltústik-batysynda Edirne provintsiiasy Lalapasha aýdanynda Ystanbuldan Bolgariiaǵa bara jatqan migranttar mingen avtobýs aýdaryldy, dep habarlaidy QazAqparat Anadolyǵa silteme jasap.
Apat Tashlymiýsellim eldi mekenine jaqyn jerde bolǵan. Júrgizýshini qosqanda 16 adam zardap shekti.
Aldyn ala málimet boiynsha, júrgizýshi rýldi basqara almai, kólik quraly joldan shyǵyp ketip, aýdarylǵan.
Zardap shegýshiler Edirne aýrýhanasyna jetkizildi. Bir adamnyń jaǵdaiy aýyr.
Migranttar Ystanbuldan Bolgariiaǵa bara jatqanyn aitqan, shaǵyn avtobýs salonynda 30-dan astam adam bolǵan.
Zardap shekkenderdiń bir bóligi jol apaty bolǵan kezde oqiǵa ornynan qashyp ketken.
