Túrkiiada koronavirýs juqtyrýǵa qatysty ekinshi jaǵdaiy tirkeldi, dep habarlaidy "Ult aqparat" Anadoly agenttigine silteme jasap.
Juma kúni eldiń Densaýlyq saqtaý ministri Fahrettin Kodja Twitter-de osylai jazdy.
Densaýlyq saqtaý ministrliginiń basshysy 12 naýryz kúni keshkisin alynǵan taldaý oń nátije kórsetkenin habarlady. Onyń aitýkynsha, Túrkiiada koronavirýsty juqtyrǵan ekinshi adam birinshi juqtyrǵan adammen bailanysta bolǵan.
«Ókinishke qarai, bizdiń boljamymyz aqtaldy. Taǵy bireý aýrý juqtyrdy. Ol birinshi adam anyqtalǵannan keiin birden karantinge alyndy. Biz jaǵdaidy baqylaýǵa alý úshin qoldan kelgenniń bárin istep jatyrmyz. Bul máseleni birlesip sheshe alamyz», - dep jazdy Kodja.
Jańa úlgidegi koronavirýs (Covid-19) alǵash ret 2019 jyldyń 12 jeltoqsanynda Qytaidyń Hýbei provintsiiasynda Ýhan qalasynda anyqtalǵan edi. Indet basqa qalalar men elderge tez tarap ketti.
Dúniejúzilik densaýlyq saqtaý uiymy koronavirýsty pandemiia dep baǵalady.
