Arheologtar Túrkiiada álemdegi ejelgi ǵibadathana keshenderiniń biri Gebekli-Tepenyń mańaiynan adamdardyń qolymen jasalǵan taǵy 11 iri tóbeni tapty, dep habarlaidy Daily Sabah gazeti.
Basylymnyń aqparaty boiynsha, shamamen 12 myń jyl buryn turǵyzylǵan tóbeler úiindilermen qorshalǵan, olardyń ara qashyqtyǵy 100 shaqyrym.
Túrkiianyń Mádeniet jáne týrizm ministri Mehmet Nýri Ersoi jýrnalisterge bergen suhbatynda ǵalymdardyń bul aýdandy «On eki tóbe» jáne «Túrkiianyń ońtústik-shyǵysyndaǵy piramidalar» dep ataǵanyn málimdedi.
Gebekli-Tepe 2011 jyldan bastap IýNESKO-nyń Búkilálemdik muralar tizimine kirgen, alǵash ret 1963 jyly Ystanbul jáne Chikago arheologtary tapqan.
Keiinirek, 1995 jyly ǵalymdar bul jerlerde biiktigi 3-6 metr, salmaǵy 40-60 tonna neolit dáýiriniń T-tárizdi obeliskterin, sonymen qatar 12 myń jyldyq adam músinderi syndy túrli artefaktiler tapqan.
