Túrkiianyń Adana qalasynda álemge áigili qazaqstandyq oryndaýshy Dimash Qudaibergenniń beinesi bar graffiti paida boldy, dep habarlaidy "Ult aqparat".
«Dears, biz ótken jyly 1 tamyzda Dimashty Ystanbul áýejaiynda kezdesý baqytyna ie bolǵanbyz. Bir jyldyq mereitoiymyzdy talantty túrik sýretshileri Alper (zeos2305) jáne Ayşe (akazio1) jasaǵan «Bastau» dep atalatyn qabyrǵa sýretimen qarsy aldyq. Biz «Bastau» - Dimashtyń Túrkiiada salynǵan alǵashqy sýreti jáne álemdegi alǵashqy 3D giperrealisttik graffiti ekenin qýana jariialaimyz!» - dep jazdy Dimashtyń Túrkiiadaǵy dimash.turkey dep atalatyn fan-klýby jelidegi paraqshasynda.
Sýretshi Alper Agka bul jumys oǵan sáttilik ákeledi dep úmittenedi. Onyń aitýynsha, qabyrǵaǵa sýret salý úshin eki ai ýaqyty ketken.
