Túrkiiada koronavirýstyń jańa túrin (Covid-19) juqtyrǵan alǵashqy jaǵdai tirkeldi. Bul týraly respýblikanyń densaýlyq saqtaý ministri Fahrettin Kodja málim etti, dep habarlaidy Anadolý agenttigi.
«Búgin keshke koronavirýs juqtyrdy degen kúdik boiynsha elimizdiń azamatyna test jasaldy. Test oń nátije kórsetti», - dep habarlady ministr.
Ministrdiń aitýynsha, virýs juqtyrǵan er adam jaqynda ǵana Eýropadan saiahattan oralǵan. Kodja qazirgi ýaqytta patsient karantinge jatqyzylǵanyn atap ótti. Onyń densaýlyq jaǵdaiy qanaǵattanarlyq deńgeide dep baǵalanǵan.
Budan bólek, naýqastyń otbasy músheleri, sondai-aq onymen bailanysta bolǵan adamdar baqylaýǵa alyndy.
