Túrkiiada 27 millionnan astam adam vaktsinalandy, olardyń 12 milliony vaktsinanyń ekinshi dozasyn aldy. Sondai-aq, elde túrik vaktsinasyn óndirý boiynsha jumystar jalǵasýda. Bul týraly Túrkiia prezidenti Rejep Taiip Erdoǵan Densaýlyq saqtaý boiynsha jahandyq sammit qatysýshylaryna joldaǵan beineúndeýinde málim etti, dep habarlaidy Anadoly agenttigi.
«Biz múmkindiginshe ózimizde bar vaktsinalardy basqa eldermen bólisýge tyrystyq. Túrik vaktsinasy daiyn bola salysymen biz ony óz azamattarymyzǵa ǵana emes, búkil adamzatqa usynamyz», - dedi Túrkiia prezidenti.
Erdoǵan DDSU-ǵa múshe el sol uiym maquldaǵan vaktsinany qabyldamaityn jaǵdaidyń eshqandai túsindirmesi joq dep málimdedi.
«Úlken jiyrmalyq» (G20) elderi arasynda densaýlyq saqtaý salasyndaǵy ozyq jetistiktermen almasý boiynsha derekter bazasyn qurý aldaǵy daǵdarystarǵa qarsy sharalar qabyldaýdy jeńildetedi», - dedi ol.
Erdoǵannyń aitýynsha, gigiena men densaýlyqty qorǵaýdyń barlyq qajetti erejelerin saqtaý arqyly halyqaralyq týrizm men saiahatty qalpyna keltirý kerek.
